M. Nafis Al-Mukhdi

@mnafisalmukhdi1

Blog

NIJISANJI ID - into reality (Banjar)

Posted by mnafisalmukhdi1 on Sunday, 24 July 2022

Translating-Song

Bahindala marangkai ingatan
Dalam alam khayalan ngini kita baasa
Ubah mimpimu gasan jadi nyata

Di balakang layar ngini
Tadangar suara sumangat mangiau ngaranku
Lakas mulai hari hanyar
Sisiap wan itih, janak aku baaksi
Di butingan rintingan pamandirannya pian
Baubah jadi kakuatan hanyar

Wan pingkut pisit
Sabarataan di hati
Maungkai nujumku

Lawan pian banyanyi melodi
Wan bataruslah bukah
Ukir jajak nang lawas awadi
Bahindala marangkai ingatan
Dalam alam khayalan ngini kita baasa
Ubah mimpimu gasan jadi nyata

Taganang wayah bahari
Bamacamlah aral luncup mahalang awakku
‘Dah kutarai lingkang hanyar
Dalas kada sabarataan sajalan kahandakku

Tagal awakku taingat pamandiran awakmu
Pacang aci mahawar tanganku

Gasan maju tarus
Mamiriti wayah
Maungkai nujumku

Lawan pian manjurai harmoni
Wan tarus ha bamimpi
Bauulah wan hadang matahari
Bahindala marangkai ingatan
Dalam alam khayalan ngini kita baasa
Ubah mimpimu gasan jadi nyata

“Bajuang lah”
“(Ta)kurihing pang”
“Maju tarus”
“Pian harat”
“Pasti kawa”
“Pian kada saurangan”
“Yakin lawan diri pian”
“Kur sumangat”
“Haram manyarah”
“Indah baundur”
“Tarabang ha”
“Jangan takutan”
“Gawi nang pambaiknya”
“Wujudkan mimpimu”
“Basamaan”
“Kita kawa”
“Bangun pang”
“Pian taharat”
“Tarus ja balingkang”
“Sukses tarus”

“Tarima Kasih.”

Lawan pian malukis palangi
Kada ampih di sini
Tarima kasih aci kuumbai
Bahindala marangkai ingatan
Dalam alam khayalan ngini
Kita bajanji ubah mimpimu gasan jadi nyata

Jadi kanyataan